غوثاں دے غوث دی محفل اے ایتھے آکے نہ تکرار کریں
اینویں ماریا جاسیں بے خبرا او ہدی شان دا نہ انکار کریں
جدوں کوئی مشکل آجاوے دنیا دیاں سنگتاں ٹٹ جاون
پھیر آکھیں سوہنیاں چھیتی آمنہ میراں دے دربار کریں
سوہنے دی سواری آوے گئی سب مشکل حل ہوجاوے گی
تو ہنجواں دے نذرانے نوں وچ پیش سوہنی سرکار کریں
ہے طاقت اوہناں نظراں نواں اوہ جانن زیراں زبراں نوں
رکھ دل چہ تور میراں دا چپ کرکے عرض پکار کریں
میرے دل دا باغ ویران ہو یا اک وارتے آجا یا میراں
میرے دل دیاں کلیاں مرجھایاں توں سوہنیاں آ گلزار کریں
غوثاں دا غوث ایں محبوبا کر کرم غریب نیازیؔ تے
میرے عملاں والی کشتی نوں سوہنیا آ کے پار کریں
شاعر کا نام :- عبدالستار نیازی
کتاب کا نام :- کلیات نیازی