حقیقت کی زباں صدیق اکبرؓ
صداقت کا بیاں صدیق اکبرؓ
وہ حق کا ترجماں صدیق اکبرؓ
نبی کا راز داں صدیق اکبرؓ
کبھی نہ ساتھ چھوڑا مصطفی کا
جہاں آقا وہاں صدیق اکبرؓ
مہکتا پھول گلزار نبی کا
بہار بے خزاں صدیق اکبرؓ
نبی کے نام پر سب کچھ فدا ہے
محبت کا نشاں صدیق اکبرؓ
نبی نے عظمتیں وہ ان کو بخشیں
زمیں پر آسماں صدیق اکبرؓ
وہ پہلا یار محبوب خدا کا
وقار دلبران صدیق اکبرؓ
نیازی میں اور ان کے وصف لکھوں
کہاں میں اور کہاں صدیق اکبرؓ