حُسنِ معنویت میں حُسنِ جاوداں حسّان
بعد ذاتِ احدیت پہلے نعت خواں حسّان
باغِ رب اکبر نے ایسا گُل کھِلایا ہے
تا ابد سجائیں گے تازہ گلستاں حسّان
لفظ لفظ میں گو یا شرح حُسن یزداں ہے
منصبِ نبوت کے ایسے رازداں حسّان
جبریل بھی آکر دادِ فکر دیتے ہیں
شعریت کی دنیا میں ہیں وہ نکتہ داں حسّان
یادِ پاک آتے ہیں ذہن جگمگا اُٹھا
نعت گو کا سورج ہیں حق کے ترجماں حسّان
خلد کی بہاریں بھی سن کے گنگناتی ہیں
مدح شاہِ شاہاں میں یوں ہیں نغمہ خواں حسّان
خوشہ چینی کر لینا بڑھ کے اے گنہ گارو
جلوہ گاہِ محشر میں جب ہوں گُل فشاں حسّان
جزبہء صبیحؔ الدین محوِ نعت ہے لیکن
آپ کی حضوری میں کیا کُھلے زباں، حسّان