آیا مہ رمضان مبارک
خیر تے برکت جگ وچ ونڈن
رحمت جس دا پہلا دھاکہ
بخشش جس دا وِچلا دھاکہ
دوزخ دی اگ توں چھٹکارا
دیوے چھیکڑ والا دھاکہ
رات قدر دی جس وچ آوے
جیہڑی راتیں ربّ سچّے نے
نازل کِیتا پاک نبیؐ تے
چھیکڑلے دستور اپنے نوں
ایس مہینے ربّ نے کِیتا
حق تے باطل وچ نتارا
بدر دے اندر ربّ سوہنے نے
اپنا وعدہ پُورا کیتا
ماڑیاں دا سر اُچّا کیتا
دے کے فتح مبین مکّے دی
حق دی طاقت حق منوائی
لکھ سلام نبی سرورؐ تے
شاعر کا نام :- حفیظ تائب
کتاب کا نام :- کلیاتِ حفیظ تائب