باعثِ رونقِ حیات حضور

باعثِ رونقِ حیات حضور

وجہِ تخلیقِ کائنات حضور


آپ سن کر پسند فرمائیں

مجھ پہ وارد ہو ایسی نعت حضور


صبحِ دیدار کب عطا ہوگی

ہجر کی کب ڈھلے گی رات حضور


معتکف ہو گئیں پسِ مژگاں

دید کی ساری خواہشات حضور


چاہئے عاصیوں کو محشر میں

آپ کی چشمِ التفات حضور


دھڑکنیں تھم رہی ہوں جب میری

دل پہ رکھ دیجئے گا ہاتھ حضور


آپ کے شہر سے ہیں وابستہ

میرے سارے تصورات حضور


بخش دے ربِ کائنات مجھے

کیجئے آپ رب سے بات حضور


بہرِ مدحت غریب ناعِت نے

لفظ جوڑے ہیں پانچ سات حضور

شاعر کا نام :- اشفاق احمد غوری

کتاب کا نام :- انگبین ِ ثنا

دیگر کلام

اے حِرا سچ سچ بتا جانِ وفا کیسا لگا

نگاہِ لطف کے اُمیدوار ہم بھی ہیں

ہوا جلوہ فرما نگارِ مدینہ

آج رحمت کی ہو برسات مرے شاہِ زمن

والشمس والضحیٰ ہے اگر رُوئے مصطفیٰؐ

ہمرے حق میں تم دعا کرو ہم طیبہ نگر کو جاوت ہیں

کیوں سر تے دُکھّاں فکراں دی نہیری جھُلّی ہوندی

مرا پیمبر عظیم تر ہے

کدوں ہووے گی دل نوں شاد کامی یا رسول اللہ

سارا عالم سجا آج کی رات ہے