چھڈ واعظ گلاں طور دیاں آ عرش تے جان دی گل کریئے
ارنی تھیں نظارہ کی ملناں آ آپ بلان دی گل کرئیے
کی کرناں اُنہاں نمازاں نوں سر سجدے وچ دل ہور کتے
کربل وچ چھاویں تیفاں دی ایہہ فرض نبھان دی گل کرئیے
چھڈ قصے فتوے بازی دے آ سُن منصور کی کہندے نے
چُم صولی سینے لا پہلوں مُڑ راز دے پان دی گل کرئیے
منزل نہیں کعبہ عاشق دی در یار دے کعبہ جھکدا اے
چھڈ گلاں خُلد جنان دیاں آ اج جانان دی گل کریئے
اس عشق تے تیریاں علماں وچ ہے فرق ہزاراں کوہاں دا
چھڈ گلاں جھگڑے پان دیاں آ یار منان دی گل کرئیے
توں علم وچوں ایہہ گل لبھیں ایسے راز نئیں وچ کتاباں دے
صائم جو عشق چوں لبھدا اے آ اُس عرفان دی گل کریئے
شاعر کا نام :- علامہ صائم چشتی
کتاب کا نام :- کلیات صائم چشتی