دو جہاں کے شہر یار الصلوٰۃ والسّلام
دو جہاں کے پیشوا
متقی و پارسا
ہر نظر کے مدُعا
تاج بخش و تاجدار الصلوٰۃ و السّلام
دو جہاں کے شہر یار الصلوٰۃ والسّلام
صاحبِ ناز و نیاز
واقفِ تفسیرِ راز
عاصیوں کے چارہ ساز
مالَکِ یومِ شمار الصلوٰ ۃ و السَّلا م
دو جہاں کے شہر یار الصلوٰۃ والسّلام
رحم کچھ فرمائیے
ہم کو بھی بلوائیے
وہ زمیں دکھلائیے
جس پہ صدقے ہے بہار الصلوٰۃ و السّلام
دو جہاں کے شہر یار الصلوٰۃ والسّلام
شاعر کا نام :- بہزاد لکھنوی
کتاب کا نام :- نعت حضور