غم دور ہوگئے نبیؐ غم خوار آ گئے
عیداں منایاں ساریا، سرکارؐ آ گئے
عرشی وی آمنہؓ نوں پئے دیندے مبارکاں
گھر تیرے کائنات دے مختار آ گئے
اکھ والیاں نوں مل گئی اندر دی روشنی
دل والیاں نیں آ کھیا، دلدار آ گئے
سمجھو مرا نصیب وی عرشاں تے پہنچیا
سفنے چہ جے براق دے سوار آ گئے
دنیا دے بادشاہواں دے سر نیویں ہو گئے
دنیا تے سارے نبیاں دے سردار آ گئے
ہوکا مرا ظہوریؔ ہزاراں نے سن لیا
سرکار دے غلام جے دو چار آ گئے