غماں نے لا لیا ہر طرف ڈیرا یا رسول اللہ
تے ٹُٹا آس میری دا بنیرا یا رسول اللہ
کدوں مکے گی کالی رات ایہہ میرے مقدر دی
کدوں ہووے گا خُوشیاں دا سویرا یا رسول اللہ
سی جس تھیں توڑیا چن نوں اشارے اوسدے صدقے
میرے غم دا وی سُٹو توڑ گھیرا یا رسول اللہ
جناب فاطمہ تے شبر و شبیر دے صدقے
مدینے وچ پوے میرا وی پھیرا یا رسول اللہ
رُخ والفجر اُتوں گیسوئے والیل سرکا کے
مٹا دیناں میرے دل دا ہنھیرا یا رسول اللہ
مدینے جان دی مُٹر کے ناں ہوئی آس پوری اے
میں اپنا زور لایا اے بتھیرا یا رسول اللہ
بڑا مجرم ، بڑا بدکار ، پاپی تے کمینہ اے
قصیدہ گو مگر صائم ہے تیرا یارسول اللہ
شاعر کا نام :- علامہ صائم چشتی
کتاب کا نام :- کلیات صائم چشتی