گنہ گارو مچل جاؤ خدا دا یار آیا اے
غماں دے ماریاں ہویاں دا آج غمخوار آیا اے
گنہگاراں تے بدکاراں نوں اپنی نال رحمت دے
گناہاں دے سمندر چوں کرن اوہ پار آیا اے
یتیماں دے وی ہے آج چہریاں تے آ گئی رونق
غریباں بیکساں دا والی و مختار آیا اے
کرو گھر گھر دے وچ محفل خدا دے یار دی لوکو
ہے رحمت لیکے دو جگ دی ایہہ آج داوار آیا اے
کرو سجدے شکر دے تے پڑھو صل علی سارے
کے خدا دے لاڈلے محبوب دا دربار آیا اے
نصیباں اوہدیاں دے نال کہیڑا ریس کر سکدا
مدینے پاک وچ رہ کے جیہڑا دن چار آیا اے
جیہدے اخلاق دے نیازی کلام اللہ کرے چرچے
زمانے نوں اوہ ونڈن لئی محبت پیار آیا اے
شاعر کا نام :- عبدالستار نیازی
کتاب کا نام :- کلیات نیازی