ہنجواں دا نذرانہ لے کے آیا ہاں
درداں دا افسانہ لے کے آیا ہاں
کریں قبول کرم تھیں کملی والڑیا
دِل پاگل ، دیوانہ لے کے آیا ہاں
آل تری توں آقا اپنی بخشش دا
کول ترے پروانہ لے کے آیا ہاں
عملاں تے نہیں مان ہاں طالب رحمت دا
ایہو کول بہانہ لے کے آیا ہاں
کر میرے تے رحمت آقا عیباں دا
میں بھرپور خزانہ لے کے آیا ہاں
بھر دیدار دے نال میں آقا اکھیاں دا
ہن خالی پیمانہ لے کے آیا ہاں
اوہو صائم تاہنگ مدینہ ویکھن دی
اوہو درد پرانا لے کے آیا ہاں
شاعر کا نام :- علامہ صائم چشتی
کتاب کا نام :- کلیات صائم چشتی