ہر پیمبر دی تمنا اے مدینے والا
حسن خالق دا نمونہ اے مدینے والا
سب دے دُکھاں دا عطا کردا اے دارو سوہنا
سارے بُھکیاں نوں رجاندا اے مدینے والا
قید نہیں دن دی تے ناں رات دی اوتھے کوئی
جھولیاں بھردا ای رہندا اے مدینے والا
ساری دُنیا تے حکومت اے میرے سوہنے دی
حکم ہر شے تے چلاندا اے مدینے والا
سارے اللہ دے خزانے نے خزانے اوہدے
کر عطا دیندا جو چاہندا اے مدینے والا
اک سمندر اے عطا دا تے وفا دا سوہنا
ونڈدا خیرات ناں تھکدا اے مدینے والا
اپنے صائم تے ردا اپنے کرم دی دے کے
قہر دی دُھپ توں بچاندا اے مدینے والا
شاعر کا نام :- علامہ صائم چشتی
کتاب کا نام :- کلیات صائم چشتی