اک نویں حیاتی ملدی اے بول ایسے عربی ڈھول دے نیں
انسان تے رہ گئے اک پاسے پتھر وی سُن کے بول دے نیں
جنہاں من لیا منظور ہوئے۔ مغرور ہوئے جو دُور ہوئے
کئی دوروں آ بھرپور ہوئے۔ کئی خالی رہ گئے کول دے نیں
ہوئے سوکھے ساہ غلاماں داے۔ آئے مونس خاصاں عاماں دے
نغمات درود سلاماں دے۔ پئے کنّان وچہ رس گھول دے نیں
کئی شربت وصل دا پین پئے۔ کئی ناں لے لے کے جِین پئے
کئی سوہل ملوک حسین پئے۔ اہدے راہ وچہ جاناں رول دے نیں
بن جھلے سیس نواون گے۔ اوہ رازِ حقیقت پاون گے
عقلاں والے پچھتاون گے۔ جہڑے علم حضورؐ دا تول دے نیں
جگ منگتا سارا مدنی دا۔ رہوے وسدا وارا مدنی دا
جنہاں لبھیا سہارا مدنی دا۔ اوہ کدوں ظہوریؔ ڈول دے نیں
شاعر کا نام :- محمد علی ظہوری
کتاب کا نام :- کِتھے تیری ثناء