جے آقاؐ دی نظر ہو جاوے
موتی ہر اکھّر ہو جاوے
خُلق اوہدے را موسم آوے
سوہنا ہر منظر ہو جاوے
ہور وی نکھرے ساوا گنبد
اکھ میری جد تر ہو جاوے
باس اوہدی دو جگ وچ پھیلے
ساوا دل کھیتر ہو جاوے
اوہدے ناں دا سِکّہ چلے
نوری نگر نگر ہو جاوے
فر کوئی صورت ایسی نکلے
حاضر ایہہ بے پر ہوجاوے
شہریت اُس دیس دی لبھے
دل آقاؐ دا گھر ہو جاوے
انج سلامی دیواں در تے
خوش سوہنا سرورؐ ہو جاوے
اوہدے رہ تے چلدیاں چلدیاں
باقی عمر بسر ہو جاوے
کّجے عیب بقیع دا ریتا
تائب جان امر ہو جاوے
شاعر کا نام :- حفیظ تائب
کتاب کا نام :- کلیاتِ حفیظ تائب