کس پہ ترا کرم نہیں کس پہ تری عطا نہیں

کس پہ ترا کرم نہیں کس پہ تری عطا نہیں

صدقہ تمہارے نام کا کس کو شہا ملا نہیں

---

اے گل حسن سرمدی نکہت باغ ہاشمی

دُھوم تری گلی گلی تجھ سا کوئی ہوا نہیں

---

دنیائے بے ثبات میں تیرے سوا ہے میرا کون

زندہ ہوں تیرے نام پر اور تو آسرا نہیں

---

گذرے وہ پل صراط سے جائے وہ کیسے خلد میں

شامل حال یا نبی تیری اگر رضا نہیں

---

تیرا کرم بھی بے حساب میری طلب بھی بے حساب

تجھ سا کوئی سخی نہیں مجھ سا کوئی گدا نہیں

---

عرصہ حشر ہو حضور یا پل صراط کا مقام

مجھ کو بچائے جو وہاں کوئی تیرے سوا نہیں

---

صدقہ نبی کے نام کا ملتا ہے روز دوستو

جھولی میں میری کچھ نہ ہو ایسا کبھی ہوا نہیں

---

شہر نبی کی حاضری کوئے نبی کی چاکری

اس کے سوا مرے خدا کوئی مری دعا نہیں

---

دونوں جہاں کی نعمتیں مجھ کو نیازی مل گئیں

صدقہ نبی کی آل کا جھولی میں میری کیا نہیں