کوئی جبرئیل آکر، کرے چاک میرا سینہ

کوئی جبرئیل آکر، کرے چاک میرا سینہ

جہاں دل دھڑک رہا ہے وہاں ٹانک دے مدینہ

---

مرے آنسوؤں کے اندر مرے عشق کا سمندر

جو اٹھے تلاطموں سے وہی موج ہے سفینہ

---

غم عشق مصطفےؐ میں رہیں غرق صبحیں شامیں

مرا دل بھی اک تجوری مرا درد بھی خرینہ

---

مرے دفترِ عمل کا ہو تمام بوجھ ہلکا

کروں اپنی تیرگی میں جو عبادت شبینہ

---

میں گیا تھا داغ لے کر اور اٹھا چراغ لے کر

مرادل ، دلِ منور ، مری چشم ، چشمِ بینا

---

چلوں ان کے پیچھے پیچھے تو ہو دل قدم کے نیچے

مرے مصطفےؐ کی آہٹ مرے ارتقا کا زینہ

---

دل معصیت زدہ میں ، انہیں میں بلا تو لایا

مری آنکھ سے مظفر گرے آپ کا پسینہ