کوئی جدوں مدینے ٹردا اے اتھرو نہ جاندے ٹھلے نیں
جنھاں نوں بلاوا آجائے اونہاں دےبھاگ سولے نیں
گل نئیں کوہجے تے سوہنے دی ایہہ مرضی اے من موہنے دی
سرکارؐ جنھاں نوں سدیا اے خوش بخت مدینے چلے نیں
کوئی بولے بھانویں نہ بولے نہ درد ونڈے نہ دکھ پھولے
اساں چھڈ کے ساری دنیا نوں سوہنے دے بوہے ملے نیں
جو عشق نبی وچ روندے نیں اوہ رب نوں پیارے ہوندے نیں
ایہہ دنیا والے اوہناں نوں پئے آکھن کملے جھلے نیں
دنیا دا ماریا رو رو کے آخر تے چپ کر جاندا اے
دے کون تسلی عاشق نوں جنھوں لگ گئے روگ اولے نیں
شاید منظوری مل جائے عاصی دے اس نذرانے نوں
ہنجواں دے ہار بنا کے تے سرکارؐ نوں اساں وی گھلے نیں
وچ قبر ظہوریؔ پچھن گے دس کیہڑے عمل لیایا ایں
میں آکھاں گا سرکارؐ دیا کچھ نعتاں میرے پلے نی
شاعر کا نام :- محمد علی ظہوری
کتاب کا نام :- صفتاں سوہنے دیاں