مدینے دا لطف و کرم الله الله
گدواں دا رکھدا بھرم الله الله
اوہ اج وی چمک رہیاں تھاواں نے جتھے
میرے شہ دے لگے قدم اللہ اللہ
مدینے چ لَا يَحْزَنُوا دِی صدا اے
رہوے آخرت دا ناں غم الله الله
مدینے دی جوہ نوں میرے مصطفے نے
بنایا سدا لئی حرم الله الله
مدینے دے اندر دروداں دے نغمے
چھڑے رہندے نے دم بدم اللہ اللہ
شہنشاہ عالم دے رونے دے کولوں
مہک لیندا باغ ارم الله الله
مرے شہ دے دربار دے ولے صائم
حرم دی جبیں رہندی خم اللہ اللہ
شاعر کا نام :- علامہ صائم چشتی
کتاب کا نام :- کلیات صائم چشتی