مدینے دی ساری زمین الله الله
ہے جھک جاندی جتھے جبین الله الله
اوہ تھاں دو جہاناں چوں افضل اے جتھے
مرا کملی والا مکین الله الله
مدینے دی ساری فضا ماشاء الله
مناظر نے سب دلنشین الله الله
ہے حُسن ایسا دتا مدینے نوں رب نے
فدا ہون جس توں حسین الله الله
چمک دے ستارے مدینے دے ذرّے
تے کنکر نے دُر ثمین اللہ اللہ
نظر سبز گنبد تے انج ٹھہر جاندی
بھلا دیندی کھاون تے پین اللہ اللہ
ناں بُھلے ناں بُھلن گے صائم کدی وی
نظارے اوہ خُلد آفرین الله الله
شاعر کا نام :- علامہ صائم چشتی
کتاب کا نام :- کلیات صائم چشتی