محمد دے غلاماں لین کی غیراں دے در جاناں
اُبدی نظرِ کرم ہوئی میری جھولی نے بھر جاناں
بڑے مجرم ہاں پر روز قیامت نعت خواناں نے
نبی دی نعت پڑھدے پڑھدیاں پل توں گذر جاناں
مدینے والیا مرنا میرا آسان ہو جاوے
نزع دے وقت ہتھ آ کے مرے سینے تے دھر جاناں
طبیبو! آگ نہیں بجھنی تساں توں میرے سینے دی
میں جد روضے نوں ویکھاں گا مرے سینے نے ٹھر جاناں
ناں ایویں طعن کر اوہناں نبی دے سوہنے یاراں تے
جہناں محبوب دے ناں توں فدا دتیاں نے کر جاناں
رسائی خشک زاہد دی نہیں اوتھے ہووندی ہرگز
در محبوب تے جانا تے لے کے چشم تر جاناں
میرے محبوب نے خورے کدوں اونا اے ول میرے
اُڈیکاں کردیاں ای کردیاں صائم نے مرجاناں