نگاہ برق نہیں چہرہ آفتاب نہیں

نگاہ برق نہیں چہرہ آفتاب نہیں

وہ آدمی ہیں مگر دیکھنے کی تاب نہیں

---

ہر اک رسول کے چہرے پہ نور ہوتا ہے

مِرے حضورؐ کا لیکن کوئی جواب نہیں

---

جہاں میں آئے ہزاروں نبی مگر کوئی

بجز حضورﷺ سرِ عرش باریاب نہیں

---

محاسن آپ کے کیسے شمار میں آئیں

وہ بے شمار ہیں ان کا کوئی حساب نہیں

---

وہ معجزہ ہے فسانہ نہیں شبِ اسریٰ

وہ ایک زندہ حقیقت ہے کوئی خواب نہیں

---

بشیر آپ کا منصب ہے کوئی وصف نہیں

محمدﷺ آپ کی توصیف ہے خطاب نہیں

---

بہ شوق آپ کی توصیف کی تو مگر

میں جانتا ہوں وہ شایان آں جناب نہیں

---

مثالِ حرمت ِ قرآن نہیں ہے کوئی کتا ب

حضور جیسا کوئی حاملِ کتا ب نہیں

---

جو ہے رضائے الٰہی وہی رضائے رسول ﷺ

میانِ بندہ و مولا کوئی حجاب نہیں