سب نبیاں دا پیر ہے سوہنا
خالق دی تصویر ہے سوہنا
خواب چ آمنہ نے جو تکیا
اوسے دی تعبیر ہے سوہنا
کیوں ناں تھاں تھاں چانن کردا
رب دا مہر منیر ہے سوہنا
اپنے ہتھیں آپے لکھدا
عالم دی تقدیر ہے سوہنا
رات معراج دی عرشوں اگے
جاندا رستے چیر ہے سوہنا
اِنَّا اَعْطَيْنُكَ الْكَوْثر
دی پوری تفسیر ہے سوہنا
ہر جاگیر اے اوہدی صائم
اللہ دی جاگیر ہے سوہنا
شاعر کا نام :- علامہ صائم چشتی
کتاب کا نام :- کلیات صائم چشتی