اُجڑی نوں وسا جاوے ، لگیاں نوں نبھا جاوے
اُجڑی نوں وسا جاوے ، لگیاں نوں نبھا جاوے
محبوب نوں آکھو نی اک وار تے آجاوے
ہن دُکھڑے جُدائیاں دے میتھوں نہیں جرے جاندے
یا مینوں مٹا جاوے ، یا درد مکا جاوے
لنگھ عمر گئی میری سوہنے نوں اڈیک دیاں
ہن آخری ویلے تے دیدار کرا جاوے
قربان میں اُس توں جو گل کر کے مدینے دی
اک زخم نواں میرے زخماں نے لگا جاوے
بس یار نے دُکھ میرے جو کول سندا رہندے
کی کرناں ایں سکھ جیہڑا آوے تے چلا جاوے
محبوب دے غم اُتوں ہر غم نُوں میں وار دیاں
محبوب دا غم آئے ، ہر غم نوں بھلا جاوے
صائم دے وظیفے لئی ناں سوہنے دا کافی اے
محبوب دا نام لیاں ہو دُور بلا جاوے