ذکر کر سوہنے محبوب من ٹھار دا
کملیا غم تیرے توں پرے رہن گے
کردا روتوں سدا مصطفی مصطفی
ایس ناں نال سینے ٹھرے رہن گے
پھل دروداں دے سوہنے توں رہیں واردا
نام جپ دارویں سوہنی سرکار دا!
بن کے منگتا رویں اوہدے دربار دا
منگتیا تیرے کا سے بھرے رہن گے
اینہاں ساہنواں دا کی اے دساہ دوستا
مل کے بہہ جا مدینے دا راه دوستا
اوہدیاں یاداں نوں جہناں نے گل لالیا
اوہ تے دو ہیں جہا نہیں کھرے رہن گے
جھوٹھیاں سنگتاں توڑ کے ساریاں
لالے اللہ نبی نال توں یار یاں!
کرلے ولیاں دے بیڑے تے اسواریاں
موجاں وچہ وی ایہہ بیڑے ترے رہن گے
کول سوہنے سلایا اے صدیق نوں!
یار اپنا بنایا اے صدیق نوں!
زندہ رئے گا سدا نام صدیق دا
اوہدے دشمن ہمیشہ مرے رہن گے
بلے کر کر کے لکھ دار آوے خزاں
بھاویں تتیاں ہواواں رہن چلدیاں!
کھڑیا رئے گا سدا گلشن مصطفیٰ
ہوئے مشکل کشا دے ہرے رہن گے
ایویں تھاں تھاں نیازی توں رولا نہ پا
کی یہ عشق دے تینوں دستور دا!
اوہدے قدماں اُتے عاشقاں صادقاں
اپنے سر دھردتے نے دھرے رہن گے.