ذکر ترے تھیں یار طبیعتاں اک دیاں نئیں
ساہ مک جاندے تیریاں گلاں مک دیاں نئیں
اپنے آقا نال جنہاں دا پیار ہووے
چیوندا جاگدا جنہاں دا غم خوار ہووے
دکھاں والا بھار کدی اوہ چک دیاں نئیں
اوہدیاں یاداں والا باغ سجائی جا
رات دنے ہنجواں دا پانی پائی جا
پیار دیاں مڑ ولاں کدی وی سکدیاں نئیں
مل پاؤناں جے پے جاوے ایماناں دا
حق والے نذرانہ دیندے جاناں دا
حق دیاں گلاں کسے دے روکیاں رک دیاں نئیں
جو تیرے دروازے اتے بہندیاں نیں
رکھی سکی کھا کے وی خوش رہندیاں نیں
تیریاں منگتیاں تخت شہاں تے تھک دیاں نئیں
صدقہ حسن حسین دا کرم کما شاہا
خوشیاں والے دن مینوں دکھلا شاہا
غم دیا لمیاں کالیاں راتاں مک دیاں نئیں
لے ساراں محبوبا میں تے مر گئیاں
کسے نے پچھیا حال تے اکھیاں بھر گئیاں
چوٹاں عشق محبت والیاں لک دیاں نئیں
یار دے دلوں کدی وی مکھ پرتاویں نہ
غیر دے در تے یار نیازی جاویں نہ
غیرت والیاں غیر دے در تے جھک دیاں نئیں