جاںنثارِ مصطفٰےﷺ ‘ صدیق اکبرؓ آپ ہیں
منبعِ ایثار ہیں ، الفت کا پیکر آپ ہیں
جن کا نصب العین ہے عشقِ نبیﷺ کی روشنی
کشتئہ عشق نبیﷺ ! اُن کے تو رہبر آپ ہیں
متّقی لاکھوں ہوئے دنیا کے عرض و طول میں
" اتقٰی" کے رتبے پہ فقط صدیق اکبرؓ آپ ہیں
وہ سفر ہو یا حضر ہو ہر جگہ قربت رہی
ہیں رفیقِ غار بھی روضے کے اندر آپe ہیں
اپنے گھر کا کل اثاثہ دے دیا بہر خُدا
پیچھے مڑ کر بھی نہ دیکھا وہ تونگر آپ ہیں
ثانیٔ صدیق اکبرؓ کون ہوگا پھر ‘ جلیل!
انبیاء کے بعد ہر انساں سے بہتر آپ ہیں
شاعر کا نام :- حافظ عبدالجلیل
کتاب کا نام :- مہکار مدینے کی