ابھی قدموں کو چُوما ہے ابھی چہرہ نہیں دیکھا

ابھی قدموں کو چُوما ہے ابھی چہرہ نہیں دیکھا

ابھی تک نُور کا بہتا ہوا دریا نہیں دیکھا

---

جہاں خوشبو کے موسم اپنی پیشانی جھکاتے ہیں

ابھی وہ چاند تک پھیلا ہوا صحرا نہیں دیکھا

---

مجھے معلوم کیا ؟ ہوتے ہیں کیسے پیار کے رشتے

ابھی مَیں نے کسی کو آگ میں جلتا نہیں دیکھا

---

ابھی غارِ حرا اور ثور کا ہے دیکھنا باقی

ابھی وہ عرش کو چھُوتا ہوا رستہ نہیں دیکھا

---

ابھی تو آنکھ بھی کھولی نہیں جا کر مدینے میں

ابھی کیا کیا بتاؤں میں ابھی کیا کیا نہیں دیکھا

---

ابھی دیکھے نہیں اس چاند کے پہلو میں دو تارے

ابھی تک آسماں کو اس طرف جھکتا نہیں دیکھا