آمنہ دے گھر نبی اللہ دے پیارے آگئے
نُور والے نُور دے لُٹن نظارے آگئے
دن ازل دے توں زمیں جنہاں دی ہیسی منتظر
آج رُخ یسین تے گیسو کھلارے آگئے
کھیڈ دے سن جد پنگھوڑے وچ جدوں شاہ زمن
بن کھڈونے نُور دے چن تے ستارے آگئے
آگیا مگے دے وچ اج تاجدارِ دو جہاں
لین صدقہ نور دا قدسی دوارے آگئے
آج عرب دے دیس چوں پُھٹیا اے چشمہ نور دا
چل دے جس چوں ہر طرف رحمت دے دھارے آگئے
ذکر اپنا سنن خُود آئے نے محفل وچ حضور
پڑھدیاں اج نعت صائم نوں نظارے آگئے
شاعر کا نام :- علامہ صائم چشتی
کتاب کا نام :- کلیات صائم چشتی