بنیں آقا جیہا ، تیرے توں فضول کوئی ناں
میرے سوہنے جیہا جھلیا ! رسول کوئی ناں
اکو یار سی بلایا جہنوں کول یار نے
ہووے یار جیہا ہور ایہہ اصول کوئی ناں
جتھے پڑھے سی صحابی سوہنے نبی پاک توں
ایہو جیہا دو جہاناں تے سکول کوئی ناں
سوہنے رب دے حبیب جیہا کون ہووے گا
جہدے کالے جہے بلال جیہا مُول کوئی ناں
میرے آقا تے اُتاریا قرآن رب نیں
اک آیت دا وی تیرے تے نزول کوئی ناں
جہدے دل وچ حُب ناں رسول پاک دی
اوہدا روزہ تے نماز وی قبول کوئی ناں
صائم اللہ تیرے نال وی پیار کرے گا
حکم اوس دے حبیب دا عدول کوئی ناں
شاعر کا نام :- علامہ صائم چشتی
کتاب کا نام :- کلیات صائم چشتی