دل دیاں ٹٹیاں نے تاراں سوہنیاں
دل دیاں ٹٹیاں نے تاراں سوہنیاں
موڑ ساڈے ول مہاراں سوہنیاں
ایک اکلی جان ماری ہجر دی
درد نے لکھاں ہزاراں سوہنیاں
تیرے عاشق رستہ تیرا ویکھدے
ویکھ کے لگیاں قطاراں سوہنیاں
چھڈ کے میں دربار عالی آپ دا
جھولی نوں کتھے کھلاراں سوہنیاں
سد لویں مینوں مدینے جے کدی
جان میں روضے توں واراں سوہنیاں
ٹکڑے ٹکڑے میرے دل دے ہو گئے
غم دیاں کھا کھا کے ماراں سوہنیاں
ڈنگ کھاہدے جتھے یار غار نے
کد میں دیکھاں گا اوہ غاراں سوہنیاں
ختم ساہ صائم دے سب ہو جان گے
ہُن وی جے لئیاں ناں ساراں سوہنیاں