فیضانِ محبت دنیا لئی منشور مدینے والے دا
ہے رحمت دوہاں جہاناں دی دستور مدینے والے دا
اوہناں دی قسمت تے ویخو کردے نیں رشک فرشتے وی
جنھاں نے چہرہ ویخ لیا پرنور مدینے والے دا
تاریخ گواہی دیندی اے سرکار دی پاک کچہری وچ
مالک دے برابر بہندا اے مزدور مدینے والے دا
چلو دیوانیو چُم لیے رل مل کے خاک مدینے دی
ایخو عرفان دا مرکز اے مشہور مدینے والے دا
فرماں برداری کیتی اے جے سوہنے کملی والے دی
پل توں وی سلامت لنگھ جانا سب پور مدینے والے دا
قرآن ظہوریؔ کہندا اے سوہنے دی رضا اللہ دی رضا
منظور خدا نوں ہووے گا منظور مدینے والے دا