ہے میری آرزو آواں مدینے یا رسول اللہ
ناں ڈب ارمان دے جاؤن سفینے یا رسول الله
نصیباں اُچیاں والے تیرے دربار تے جاندے
ترفدے دُور میرے جہئے کمینے یا رسول الله
مری جھولی نوں بھر دیناں کی مشکل ہے تُساں اگے
ملے سب آپ نوں ربدے خزینے یا رسول اللہ
غماں دے ماریاں ہویاں دے تیرے ہجر دے اندر
گذر دے وانگ صدیاں دے مہینے یا رسول اللہ
تیرے دربار توں شاہی ملی ادنی گداواں نوں
بنے ذرے تیری راہ دے نگینے یا رسول اللہ
تیری دہلیز تے جھکدا اے سر دنیا دے شاہواں دا
تیرے عاشق پیمبر تے ”نبی" نے یا رسول اللہ
ہے کیتا ماند سورج چن نوں مبہوت کر دتا
تیرے انوار دی جلوہ گری نے یا رسول اللہ
سخاوت آپ دی دسے تے کی دسے بھلا صائم
تیرے منگتے وی شاہواں توں سخی نے یا رسول اللہ