ہر ویلے سوہنے دیاں گلاں ایخو کل کمائی
میری جھولی عملوں خالی اونہوں کمی نہ کائی
میں ظہوریؔ سب توں نیواں پریت اُچے نال لائی
صدقے جاواں اُچے توں جس نیویں نال نبھائی
یاد رہوے سوہنے دی دل وچہ قرب ہووے یا دوری
جہڑے رکھدے تاہنگ ہمیشہ ہوجاندی منظوری
ایہہ دنیا ہووے تے بھانویں حشر میدان ظہوریؔ
باہج مرے کملی والے دے کِتے نہ پینی پوری
میری جان پچھان نہ کوئی میں کملا میں جھلا
نام لواں نت سوہنے دا کرے دنیا اللہ اللہ
او گنہگار ظہوریؔ ہاں پر دل وچہ اک تسلا
حشر دیہاڑے میرے ہتھ وچہ ہونا ایں یار دا پلا