کتھے جاوے ایہہ اوگنہار تیرا
رہوے وسدا سخی دربار تیرا
میں کیوں غیراں دے دروازے تے جاواں
ہے مینوں آسرا سرکار تیرا
میرے جئے کملیاں نوں کون پچھدا
جے نہ ہندا سخی گھر بار تیرا
اونہاں دی ریس کر سکدا نئیں کوئی
جنہاں نے کر لیا دیدار تیرا
تیری نسبت نے مینوں رنگ چھڈیا
کراں نہ شکر کیوں سرکار تیرا
مزہ آ جاوے جے سرکار آکھن
جا کر چھڈیا اے بیڑہ پار تیرا
ڈٹھے نے گرد مے خانے ہزاراں
جیہڑے پاسے گیا مے خوار تیرا
نیازی جیوندیاں وی نام جپ ساں
تے مر کے وی نئیں بھلنا پیار تیرا
شاعر کا نام :- عبدالستار نیازی
کتاب کا نام :- کلیات نیازی