لباں تے ثنا ہووے پُوری دُعا ہووے
سامنے سوہنا ہووے آخری ساہ ہووے
دل دی آداسا ہووے سوہنے دا پاسا ہووے
ہتھ وچہ کاسہ ہووے بندہ گدا ہووے
عشق شبّیر ہووے پیار دی اَخیر ہووے
غازی جیا وِیر ہوئے ایہو جئی وَفا ہووے
طَیبہ دی میں گلی چُماّں سوہنے دی تلی چُماّں
نالے علی علی چُماّں خُوش مصطفٰے ہووے
منگو دعا اے شالا اِنج دا نصیب ہووے
جد آوے موت مینوں سوہنا قریب ہووے
کی پچھدے اوہ میرے توں سوہنے دیاں عطاواں
جنہوں خیر پاوے سوہنا نہ کدی غریب ہووے
جس ویلے وچہ قبر دے سوہنا قدم ٹکاوے
قدماں تے ڈیہہ پواں میں منظر عجیب ہووے
جدوں جاں لباں تے ہووے اودوں ساہ آخری ہوون
اودوں سامنے اکھیں دے عربی طبیب ہووے
اِک وار حال حاکم پچھ لے جے سوہنا آکے
میرے دل نوں مڑ ہجر وی نہ کدی صلیب ہووے
شاعر کا نام :- احمد علی حاکم
کتاب کا نام :- کلامِ حاکم