ماہ ربیع الثانی چڑھیا
یاد آیا اُوہ بھائی چارہ
جیہڑا شہر مدینے جا کے
قائم کِیتا پاک نبیؐ نے
وچ مہاجراں تے انصاراں
مالک دے پُت انس دےگھر وچ
نیہہ اخوّت والی رکھّی
میرے سوہنے مکّی ماہی
بھائیاں سَگیاں بھائیاں توں وَدھ
اک دوجے دے درد ونڈائے
ہر شے انصاراں ونڈ دتّی
مکّے دے دینی بھائیاں نوں
جگ توں وکھرا رشتہ سی ایہہ
لہو دے ڈاہڈے گوہڑے رشتے
جس دے اگّے پے گئے پھِکّے
نواں وسیب اک سامنے آیا
جس تے سی رحمت دا سایا
لکھ سلام نبی سرورؐ تے
شاعر کا نام :- حفیظ تائب
کتاب کا نام :- کلیاتِ حفیظ تائب