میں ترے ناں دیاں دیواں صداواں یا رسول الله
میں او گنہار تے کرنا عطاواں یا رسول اللہ
ترے ورگا کوئی سوہنا نہ آیا اے نہ آوے گا
میں نال ایمان دے مکدی مکاواں یا رسول الله
کدی تے لنھگدے لنھگدے جھات پاجاؤ مرے گھر وی
میں ہر ویلے کراں ایہ التجاواں یا رسول الله
کدی تے آؤ گے آقا تسیں مسکین دے گھر وی
میں ایسے آس تے گھر نوں سجاواں یا رسول اللہ
شہنشاہا ترے لائق تے نئیں کلی نمانے دی
جے آ جاویں تے میں خوشیاں مناواں یا رسول اللہ
کرم کر دے مدینے والیا صدقہ مدینے دا
ترے دربار دا میں وی گدا واں یا رسول الله
میں منگدا ہور کچھ وی نئیں مرے لیکھاں دیوچہ لکھ دے
مدینے والیاں ٹھنڈیاں ہواواں یا رسول اللہ
ایہو ہے آرزو مری ایہو دل دی تمنا ایں
ترے دربار تے میں آواں جاواں یا رسول اللہ
کوئی وی مڑیا نہیں خالی کریماں دے دروازے توں
تری محفل چوں میں نہ خالی جاواں یا رسول اللہ
حیاتی دے دیہاڑے لنگھ جاون نال عزت دے
میں ہر ویلے ایہو منگاں دعاواں یا رسول اللہ
غماں دی دھپ کدھرے ساڑ نہ دیوے نیازی نوں
کرو رحمت دیاں میرے تے چھاواں یا رسول اللہ