مینوں سد لے مدینے اک وار سوہنیاں
تیرا ویکھ لواں سوہنا دربار سوہنیاں
شالا مک جان لیکھاں دیاں راتاں کالیاں
چماں آن کے میں روضے دیاں نوری جالیاں
میں ہوواں تیرا ہووے دربار سوہنیاں
میرے سدھراں دے بوٹے دیاں ولاں سکیاں
جند مک چلی میریاں نہ آساں مکیاں
میرے لیکھاں وچہ لکھ دے بہار سوہنیاں
بوہا رحمتاں دا اک دن کھل جائے گا
میرے جئیاں نوں حضور دا بلاوا آوے گا
مینوں ہر ویلے رہندا انتظار سوہنیاں
فرش عرش اتے تیریاں نے سلطانیاں
ہون اینیاں حضور دیاں مہربانیاں
چماں روضے دا میں در تے دیوار سوہنیاں
میرے عیباں دا جے سوہنیاں شمار کوئی نئیں
تیرے جیہا وی تے آقا غمخوار کوئی نئیں
لاویں عاصیاں دے بیڑے نوں توں پار سوہنیاں
تیری بات باہجوں آوندی مینوں بات کوئی نئیں
ہور پلے چہ نیازی دے سوغات کوئی نئیں
تیرے پیاریاں تھیں کرنا ہاں پیار سوہنیاں
شاعر کا نام :- عبدالستار نیازی
کتاب کا نام :- کلیات نیازی