مُحمد دے در دی پھبن الله الله
فدا جس توں باغ عدن الله الله
میرے سوہنے منٹھار دا پاک روضہ
رہوے ٹھار دا سب دے مَن اللہ اللہ
میری اکھ چوں انج کرن اشکاں دے موتی
جاں سُورج چوں نکلے کرن الله الله
نظر زائراں دی جاں روضے تے پیندی
صلوتاں پڑھن تے کرن اللہ اللہ
صدا یارسول اللہ دی آرہی اے
تے ہے انجمن انجمن الله الله
غبارِ مدینہ نوں چہرے تے ملدے
مدینے چ سیمیں بدن الله الله
گنہگار اک ہاں تے صائم کرن گے
شفاعت میری پنجتن الله الله
شاعر کا نام :- علامہ صائم چشتی
کتاب کا نام :- کلیات صائم چشتی