مُحمد دی مرضی ہے مرضی خدا دی خُدا نوں اے سب نالوں پیارا مُحمد
پہن تاج لَولَاک دا سر تے چلیا ہے عرشاں نوں عرشاں دا تارا مُحمد
دو عالم چہ ورھدی اے رحمت خُدا دی تے کردے نے فلکاں تے قُدسی منادی
اَے افلاکیو دید سوہنے دی کر لئو کرن چلے حق دا نظارہ مُحمد
جدوں حق نوں لطف وصال آرہیا سی تے سوہنے نوں اُمت دا خیال آرہیا سی
ناں کیتا کسے نے ناں کرنا کسے نے جیویں کیتا اُمت دا چارا مُحمد
کہا حق نے محبوب سب غم بھلاؤ ، تے محشر دا مختارنامہ لے جاؤ
میں اوسے نوں جنت عطا کردا جا ساں کرو گے جیہدے ول اشارا مُحمد
ہے جاون دا قصہ تے سب نے سنایا جیویں پینڈا عرشاں دا ہیسی مکایا
ناں پر راز کھلا ہے اَج تک کسے تے کیویں آیا عربی دُلارا مُحمد
کروا یہ دُعا زُلف کالی دے صدقے تے والفجر صورت نرالی دے صدقے
تے روضے مقدس دی جالی دے صدقے بنن ساڈا صائم سہارا مُحمد
شاعر کا نام :- علامہ صائم چشتی
کتاب کا نام :- کلیات صائم چشتی