ناں آوے مینوں منگن دا قرینہ یا رسول اللہ
ترے در دا مگر ہاں سگ کمینہ یا رسول اللہ
دکھا دینا اسانوں ہُن مدینے دی فضاء نوری
سدا وسدا رہوے تیرا مدینہ یا رسول اللہ
نگاہِ لطف فرماؤ شہ بغداد دے صدقے
بھنور وچ آگیا میرا سفینہ یا رسول الله
میں گل وچ پاکے پلڑا جوڑ کے ہتھے روضے تے آواں
ہے ایہو آرزو میری دیرینہ یا رسول اللہ
لُکاواں کس طراں دُنیا دے کولوں خُون دے اتھرو
ہے دل ٹکڑے جگر شق چاک سینہ یارسول اللہ
میرے سُتے ہوئے پھٹ فیر مُڑ کے جاگ پیندے نے
جدوں آجاوندا حج دا مہینہ یا رسول اللہ
جے موت آوے مدینے وچ تے صائم دی حیاتی اے
وگرنہ موت توں بدتر ہے جینا یا رسول الله
شاعر کا نام :- علامہ صائم چشتی
کتاب کا نام :- کلیات صائم چشتی