نئیں کوئی اوقات اوگنہار دی
جیہو جئی وی ہاں میں ہاں سرکار دی
کیوں پھراں میں منگتیاں توں منگدی
میں تے منگتی ہاں خدا دے یار دی
اللہ دی سونہہ سانوں کوئی بھکھ نئیں
بھکھ ہے تے ہے تیرے دیدار دی
اونہاں نوں چنگی نئیں لگدی کوئی شے
جھلک دیکھی اے جنہاں سرکار دی
کوئی سُن کے خوش نئیں ہندا نہ ہووے
گل کرنی ایں اساں تے یار دی
مہرباناں سوہنیاں من موہنیاں
دیکھ جا حالت کدے بیمار دی
اوناں جاناں رئے ترے دربار تے
جھوک وسدی رئے مٹھے من ٹھار دی
اوہنوں نئیں اوندی کسے شے دی کمی
جو روئے تن من نبی توں وار دی
جو ملی عزت نیازی جگ تے
مہربانی ہے ایہہ سب سرکار دی
شاعر کا نام :- عبدالستار نیازی
کتاب کا نام :- کلیات نیازی