سخیاں دے سخی سرور سردار توں صدقے
نقش شہ لاثانی دے میں پیار توں صدقے
رب جانے کی مٹھے مٹھے بولاں چہ سی تیرے
جو سن دا سی ہو جاندا سی سرکار توں صدقے
جھک گئے تیرے قدماں اُتے اپنے تے پرائے
دشمن وی ہوئے یار دی گفتار توں صدقے
بھلی نئیں کدی مینوں کریماں دی کریمی
لج پال کریماں دے میں کردار توں صدقے
لاثانی اے میخانہ تے لاثانی نیں مے خوار
میخانے توں صدقے تیرے میخوار توں صدقے
سید نے غماں ماریاں دے درد ونڈائے
کیوں ہوواں نہ ایسے سخی غمخوار توں صدقے
خواہاں چہ میرے آ جا میرے درد ونڈا جا
دل جان کراں میں تیرے دیدار توں صدقے
لاثانی دے لاثانی دا ہے جو وی وفادار
لوں لوں میرا لاثانی دے اُس یار توں صدقے
اوه وقت وی آوے گا نیازی بڑی چھیتی
ہو وے گا ایہہ جگ آپ دے دربار توں صدقے
شاعر کا نام :- عبدالستار نیازی
کتاب کا نام :- کلیات نیازی