تکیا جد روضہ تیرا دل نوں قرار آیا
ڈیرے چک لئے خزاں نے موسم بہار آیا
اک دن تے کملی والا پچھے گا میرے ولوں
درداں دا ماریا کیہڑا میرے دربار آیا
سوہنے دے در دے اُتے منگدے نے تاجاں والے
جیہڑا وی پہنچیا اوتھے قسمت سنوار آیا
نام محمد سن کے پے گئی ٹھنڈ سینے اندر
صل على زباں تے بے اختیار آیا
سوہنے دے کرن نظارے روضے تے اون فرشتے
محشر تک وار نئیں اونی جھڑا اک وار آیا
ہن تے نظارہ دیدے مکھڑے توں چا کے پردہ
در تے نیازی تیرے ہوون نثار آیا
شاعر کا نام :- عبدالستار نیازی
کتاب کا نام :- کلیات نیازی