تُوں دو جگ دا سلطان کملی والڑیا
تری سب توں اچی شان کملی والڑیا
درداں میری جان جلائی ، غم تیرے نے ہوش بُھلائی
جلدے نے آرمان کملی والڑیا
سٹر دیاں اکھیاں جلدا سینہ، مُڑ مُڑ آوے یاد مدینہ
مُڑ مُڑ نکلے جان کملی والڑیا
توں رحمت دا نور خزانا ، تیرا منگتا کُل زمانا
دیہہ نظراں دا دان کملی والڑیا
تیرے در تے طُور ہزاراں، مہکاں منگدیاں پھرن بہاراں
جھکدا اے کل جہان کملی والڑیا
جان بلب نے میریاں ہاواں، دم ناں دیون توڑ دُعاواں
کر مشکل آسان کملی والڑیا
صائم اَزلی بردہ تیرا، توں مالک تے والی میرا
میں تیتھوں قربان کملی والڑیا
شاعر کا نام :- علامہ صائم چشتی
کتاب کا نام :- کلیات صائم چشتی