واہ سوہنیاں من موہنیاں اللہ دا توں اللہ تیرا
اتھے وی ہے چرچا تیرا اوتھے وی ہے چرچا تیرا
رتبہ بڑا اے اوس دا سوہنے نبی لج پال پرورا
شاہاں نوں اوہ کیہ جاندا جو بن گیا منگتا تیرا
کہندے نیں جو اپنے جیہا اوہناں نوں نہیں ایناں پتہ
خبراں رکھے سب جگ دیاں کملا تیرا جھلا تیرا
بن دے نیں جو سرکار دے اوہ آر دے نہ پار دے
دو جگ اندر سکھ پاؤن گے پھڑیا جنہاں پلا تیرا
لج پرورا تیرے ناں دیاں رب بخشیاں لکھاں نعمتاں
بندہ ہووے یا آقا کوئی سب کھاوندے صدقہ تیرا
جگ دے دکھاں غماں کھا لیا نظر کرم مرے والیا
دیدار دی آخیر پا دیکھاں سدا رستہ تیرا
گجرے دروداں دے شہا بھیجے سدا تیرا خدا
جپدے فرشتے ناں تیرا حوراں پڑھن سہرا تیرا
میرے نصیباں دے سدا رہندے نیں تارے چمک دے
جد توں نیازی نے شہا ہے دل تے ناں لکھیا تیرا
شاعر کا نام :- عبدالستار نیازی
کتاب کا نام :- کلیات نیازی