اُس نام سے وابستہ ہوں، نسبت پہ نظر ہے

اُس نام سے وابستہ ہوں، نسبت پہ نظر ہے

عاصی ہوں مگر اُن کی شفاعت پہ نظر ہے

---

طیبہ سے بہت دور ہوں اور ذوق حضوری

اس صاحب معراج کی رحمت پہ نظر ہے

---

قرآن کے اوراق میں پڑھتا ہوں انہیں کو

اُس مصحف ناطق کی تلاوت پہ نظر ہے

---

قاتل کے لئے لب پہ مرے حرفِ دعا ہے

اس صاحب لولاک کی سیرت پہ نظر ہے

---

اقدار کا احساس اُسی نام کا صدقہ

ہاں احمد مختار کی عظمت پہ نظر ہے

---

اس ساعت موجود میں پستی کو نہ دیکھو

اُس احمد و محمود کی اُمت پہ نظر ہے

---

بلقیس بھی، کشفی بھی پریشان ہیں دونوں

اب رب محمد کی عنایت پہ نظر ہے