مَیں ماٹی کی مورتی ، ماٹی میرا دیس

مَیں ماٹی کی مورتی ، ماٹی میرا دیس

ماٹی موری جات ہے ، میں لاتی سندیس


ماٹی بھید اگم کا ، ماٹی کی کیا بات

سُندر پھُول سے پوچھئیو ماٹی کیسا دیس!


ماٹی میں جل ، اَگنی ماٹی پَوَن جھکور

ماٹی ہی من ہوہنی ، ماٹی کرے کلیس


ماٹی ماٹی کھاگئی، ماٹی مور کھ کوکھ !

ماٹی ،ماٹی ، جنم دے ، ماٹی سَو سَو بھیس


ماٹی بھولے پریم کو ، جگ کلجُگ بن جائے

ماٹی جگ کا دیس ہے ، جگ اِس کا پردیس


ماٹی کھڑ کھڑ بولتی ، بیتے جُگ ہزار

ماٹی لاگی دھڑکنیں ، کھڑ کھڑے ہے چو دیس


ماٹی آئے کوکھ سے ، ماٹی کوکھ بَسے !

دھرتی ماتا دھرم ہَے ، ماٹی کا سندیس


ماٹی جگ کو موہ کے ، جائے ماٹی سنگ

"گوری سوئے سیج پہ ، مُکھ پر ڈالے کیس"!


خُسؒرو کا گُر آتما ، واصف گُر کی بات

اَمر کرے پر ماتما ، ماٹی دیس بدیس !

شاعر کا نام :- واصف علی واصف

کتاب کا نام :- شبِ چراغ

دیگر کلام

نہ میں شاعر نہ شاعر کی نوا ہوں

نشانِ کارواں بھی ہوگئے گُم

میں کسی کی ہوں نظر میں کہ جہاں میری نظر ہے

میں کیا ہوں معلوم نہیں

محفوظ ہے اَجے تائیں قیادت دا فیصلہ

مَیں ماٹی کی مورتی ، ماٹی میرا دیس

زندگی اپنے لہُو کا نام ہے

اے خوشا یومِ شوکتِ اِسلام

السّلام اے عظمتِ شانِ وطن !

فروزاں انجمن سے جارہا ہوں

شرحِ واللّیل ہیں گیسوئے معنبر راتیں،