السّلام اے گنج بخشِؒ فیضِ عالم السّلام
پر توِ نُورِ محمّد ؐ شیخِ اعظم السّلام
السّلام اے شہہ بطحےٰؐ کے نور و نور چشمِ مرتضٰےؐ
شارحِ شانِ جلالِ دینِ قیم السّلام
قبلہ گاہِ خواجہء ہندالولیؒ روضہ تِرا
کعبہء گنجِ شکر ؒ ، گنجِ معظّم السّلام
السّلام اے سیِّدِ ہجویر قطب الاولیاءؒ
چشمِ لرزاں السّلام و زلفِ برہم السّلام
ملّتِا بے مایہ کو گُم کر گئی کم مائگی
ایک ہم ہیں اور ہے اُفتادِ پیہم السّلام
کیا قیامت ہے کہ پاکستان ہے زیرِ عتاب
ہم تماشا ہیں تماشائی دو عالم السّلام
کر گئی مجھ کو قلندر آپ کی شانِ عطا
بارگاہِ حُسن میں واصفؔ ہے راقم السّلام
شاعر کا نام :- واصف علی واصف
کتاب کا نام :- شبِ راز