جی لوں اگر نصیب میں حبِّ رسولؐ ہے
ورنہ تو ساری زندگی میری فضول ہے
کہتی ہے زندگی مجھے ان ؑ پر نثار ہو
دیکھو تو کتنی مہ جبیں آلِ رسولؐ ہے
کھلتے نہیں ہیں در کبھی رحمت کے اس طرح
جیسے گرایا لوگوں نے زہراؑ کا پھول ہے
کرتی ہے ناز ماتھے پہ جن کے زمین بھی
شیر خدا کی جان ہے نورِ بتولؑ ہے
خلدِ بریں کہتے ہیں ہم سب جسے مجیدؔ
وہ تو حسنؑ حسینؑ کے قدموں کی دھول ہے
شاعر کا نام :- عبد المجید چٹھہ
کتاب کا نام :- عکسِ بو تراب